اُڑان نیوز
راجوری//ڈپٹی کمشنر راجوری وکاس کنڈل نے جمعرات کو گورنمنٹ میڈیکل کالج راجوری کا دورہ کیا اور کنڈی میں بس حادثے میں زخمی ہونے والے افراد سے ملاقات کی۔کنڈی کے مقام پر بس الٹنے سے 11 مسافر زخمی ہو گئے جن کا جی ایم سی اور اے ایچ راجوری میں علاج کیا جا رہا ہے۔
ڈی سی نے زخمی مسافروں سے ملاقات کی اور ان کی خیریت دریافت کی۔ انہوں نے میڈیکل ٹیم کو ہدایت کی کہ وہ اس بات کو یقینی بنائیں کہ مریضوں کو ان کی جلد صحت یابی کے لیے بہترین ممکنہ طبی امداد فراہم کی جائے۔انہوں نے یہ بھی یقین دلایا کہ ضلعی انتظامیہ اس مشکل وقت میں زخمیوں اور ان کے اہل خانہ کو ہر ممکن مدد فراہم کرے گی۔
