حاجن اور اجس کے وفود نے وزیر اعلیٰ کے ساتھ ملاقات کی

جموں//بانڈی پورہ ضلع کے حاجن اور اجس علاقوں سے تعلق رکھنے والے کئی وفود نے آج یہاں وزیراعلیٰ محبوبہ مفتی کے ساتھ ملاقات کی۔وفود نے وزیر اعلیٰ کو اپنی ترقیاتی اور تعلیمی ضروریات سے آگاہ کیا اور انہیں پورا کرنے کے لئے وزیر اعلیٰ کی مداخلت طلب کی۔وفود نے اُن کے اضلاع میں ایک عوامی دربار منعقد کرانے کے لئے وزیر اعلیٰ کا شکریہ ادا کیا او رکہا کہ اس دربار کے بعد ضلع میں ترقیاتی سرگرمیوں نے رفتار پکڑ لی ہے ۔وزیر اعلیٰ نے وفود کو یقین دلایا کہ ان کے مطالبات پر مناسب کارروائی کی جائے گی۔