جسٹس تاشی ربستان نے ریاسی میں ایل اے ڈی سی کے دفتر کا افتتاح کیا سب جیل میں قیدیوں کے مسائل سنے،بروقت ازالہ کیا جائے

ریاسی//جسٹس تاشی ربستان، جج ہائی کورٹ آف جموں و کشمیر اور لداخ، ایگزیکٹو چیئرمین، جے اینڈ کے لیگل سروسز اتھارٹی نے آج ڈسٹرکٹ کورٹ کمپلیکس، ریاسی کا دورہ کیا اور لیگل ایڈ ڈیفنس کونسل (ایل اے ڈی سی) کے دفتر کا افتتاح کیا۔ جسٹس تاشی ربستان کے ساتھ امت کمار گپتا، ممبر سکریٹری، جموں و کشمیر لیگل سروسز اتھارٹی؛ سونیا گپتا، پی آر ڈسٹرکٹ اینڈ سیشن جج، ریاسی/چیئرمین ڈی ایل ایس اے ریاسی۔ انہوں نے سب جیل ریاسی کا بھی دورہ کیا اور جیل کے قیدیوں کی شکایات سنیں اور مقررہ وقت میں ازالے کی یقین دہانی کرائی۔چیف پراسیکیوٹر آفیسر، رنجیو کمار اور سینئر پراسیکیوٹنگ آفیسر، اشونی کمار بھی اپنے لارڈ شپ کے ساتھ سب جیل، ریاسی گئے۔ ایل اے ڈی سی آفس کے افتتاح کے دوران جسٹس تاشی ربستان نے ڈپٹی چیف لیگل ایڈ ڈیفنس کونسل راشی بارو اور اسسٹنٹ لیگل ایڈ ڈیفنس کونسل سپریا کو تقرری کے خطوط سونپے۔بکل، ریاسی میں جسٹس تاشی ربستان کی رہنمائی اور نگرانی میں ڈیفنس لیگل ایڈ کونسل سسٹم سے متعلق ایک قانونی آگاہی کیمپ کا بھی انعقاد کیا گیا۔ اس موقع پر ممبر سکریٹری ایس ایل ایس اے، امیت گپتا، پرنسپل ڈسٹرکٹ اینڈ سیشن جج، ریاسی سونیا گپتا، چیف جوڈیشل مجسٹریٹ، ریاسی ارچنا چرک، اور سنیل کمار، سکریٹری/سب جج ڈی ایل ایس اے ریاسی اور دیگر عدالتی افسران اس موقع پر موجود تھے۔اس موقع پر ضلعی انتظامیہ اور پولیس کے افسران بھی موجود تھے۔بعد ازاں جسٹس تاشی ربستان نے بار ایسوسی ایشن ریاسی کے ممبران سے بھی بات چیت کی۔