چرالہ کے جنگلو میں شدید آگ کئی درخت خاک ہوگئے آگ لگنے کی وجوہات کے بارے میں جانچ کی جائے گی ؛ سی ایف

بھدرواہ کچھ دنوں سے مسلسل بھدرواہ فارسٹ ڈویجن کی چرالہ رینج کے جنگلوں میں شدید آگ لگی ہوئی ہے جس کی وجہ سے بڑی تعداد میں چیڑ اور دیودار کے درختوں کو نقصان پہنچا ہے ۔ سی ایف چناب سرکل ٹی بی سنگھ نے بتایا کہ کل رات کو کمپارٹمنٹ نمبر 19چرالہ کے جنگل میں آگ لگی تھی جس میں کچھ درختوں کو نقصان پہنچا ہے لیکن جوں ہی آگ کی خبر محکمہ جنگلات کو ملی ایک ٹیم موقع پر بھیجی گئی جس نے آگ پر قابو پایا ۔ سی ایف نے اور بتایا کہ کچھ لوگ جنگلوں کے خلاف سازش کرتے رہتے ہیں لیکن وہ کامیاب نہیں ہوں گے اور ہو سکتا ہے کہ چرالہ کے جنگلوں میں جو آگ کی واردات ہوئی اس میں بھی کسی جنگل مافیہ کا ہاتھ ہو ۔انہوں بتایا کہ اس سلسلہ میں محکمہ جنگلات کی جانب سے جانچ کی جا رہی ہے اور آگ پر قابو پایا گیا ہے ۔