ایم سی بٹوٹ میں ‘میری لائف میرا سوچھ شہر’ مہم کا انعقاد

رام بن/صدر میونسپل کمیٹی بٹوت رویندر سنگھ نے آج شہر بٹوت میں ‘میری لائف میرا سوچھ شہر’ بیداری مہم کا آغاز کیا۔بی ڈی سی چیئرپرسن بٹوت، راجیشور کمار، تحصیلدار وجے کمار، کونسلرز، ای او ایم سی منیر احمد کے علاوہ مقامی لوگوں، طلباء اور بزرگ شہریوں کا ایک بڑا اجتماع ہوا۔اس موقع پر صدر ایم سی نے بتایا کہ اس مہم کا مقصد گھر گھر کچرا اٹھانے کی خصوصی مہم چلانا ہے۔ انہوں نے عوام سے مہم کو کامیاب بنانے میں تعاون کی اپیل کی۔ای او ایم سی نے کہا کہ اس پندرہ روزہ پروگرام کے دوران بٹوٹ ٹاؤن کے گھرانوں سے پلاسٹک کی اشیاء پرانی کتابیں، استعمال شدہ کپڑوں اور جوتوں کا وسیع ذخیرہ رکھا جائے گا۔ انہوں نے بتایا کہ ماحول کو بچانے کے لیے جمع کی گئی اشیاء کو بعد میں ری فربش، دوبارہ استعمال یا ری سائیکل کیا جائے گا۔انہوں نے مزید لوگوں سے درخواست کی کہ وہ بٹوت کی مجموعی اور خاص طور پر شہر کی ترقی کے لیے آگے آئیں۔